InicioSociedadeGran baixada de casos activos na área de Vigo

Gran baixada de casos activos na área de Vigo

PUBLICADO O

Galicia rexistrou nas últimas 24 horas un total de 216 novos positivos de coronavirus, 10 menos que un día antes, e dous falecementos que se coñeceron na tarde do venres e que elevaron o cómputo das vítimas mortais na Comunidade a 751. Con todo, o número de recuperados é maior que os novos contaxios, especialmente, na área de Vigo.

Segundo os datos actualizados este sábado pola Consellería de Sanidade, os casos activos –persoas que aínda padecen a enfermidade– baixaron en 111, ata situarse nos 4.092. Pola súa banda, as altas subiron en 325 e xa son 19.714 as persoas curadas da COVID-19 en Galicia.

Ademais, dúas persoas diagnosticadas con coronavirus perdían a vida este venres. En concreto, tratábase dun home de 75 anos que permanecía ingresado no Complexo Hospitalario Universitario de Ourense e unha muller de 82 no Complexo Hospitalario de Pontevedra.

Por áreas sanitarias, a de Ourense é a que máis casos activos conta desde este sábado –ata agora, era a da Coruña– cun total de 891, 40 máis que o venres. Tamén soben as persoas coa enfermidade en Santiago, ata 547 (+8).

Pola contra, os casos activos baixan na Coruña, a 848 (-56); en Pontevedra, ata os 722 (-43); en Lugo, a 503 (-23); en Vigo, a 460 (-31); e en Ferrol, a 121 (-7). Así mesmo, ata a data, Galicia realizou 499.201 PCR fronte ás 492.648 que contabilizaba este venres, o que implica que en 24 horas fixéronse 6.553 probas.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...