InicioSociedadeFeijóo premia coa consellería de Sanidade ao responsable do cese da profesional...

Feijóo premia coa consellería de Sanidade ao responsable do cese da profesional que criticou o caos sanitario da Xunta no confinamento

PUBLICADO O

- Advertisement -

O novo conselleiro de Sanidade e ex xerente da área sanitaria de Vigo, Julio García, foi o responsable do cese da xefa de sección de Cirurxía Plástica, Estética e Reparadora do Complexo Hospitalario Universitario de Vigo (Chuvi), Eva Maquieira Gómez. Un polémico cese o pasado 23 de marzo, en pleno confinamento, polas críticas da profesional ás instrucións de hixiene e utilización de recursos ditadas polo Servizo de Medicamento Preventivo para evitar a propagación do coronavirus.

Maquieira denunciou a “falta de liderato e previsión” dos mandos directivos del Sergas aos que criticou “por estar lonxe” da “primeira liña de batalla”. “Por iso a eles élles máis fácil manter a famosa distancia de seguridade dun metro”, indicaba

Nun escrito en redes, aseguraba que algúns profesionais do Álvaro Cunqueiro tiveron que inventarse proteccións con bolsas de lixo, teas, gafas de buceo e separadores de libro. Por último, pedía á administración sanitaria que repartise material de protección aos profesionais e que que “coide aos que coidan” aos pacientes.

RESPONSABLE DIRECTO DO CESE

Julio García foi o responsable directo deste cese tras reunirse en persoa con esta facultativa despois de que se “negase a acatar” as recomendacións sanitarias para evitar a propagación do virus, informa o Sergas. Ademais, criticou que “animara a outros compañeiros a non cumprir” estas medidas, que, segundo se indicou, cuestionou en redes sociais.

Ante esta situación, considerouse que “se rompeu a confianza” desta persoa cara á dirección da área Sanitaria, polo que “non pode exercer de interlocutora” da mesma.

O cese da profesional xerou moito malestar entre os profesionais sanitarios e motivou que distintos partidos políticos pediran explicacións a Feijóo. De feito, o Sergas modificou estes protocolos de seguridade despois do confinamento e introduciu algunhas das recomendacións que facía Maquieira como o uso xeralizado da máscara.

ÚLTIMAS

Abren dilixencias previas por verteduras da cidade deportiva do Celta tras denuncias ecoloxistas

O Xulgado de Instrución número 2 de Vigo notificou a Ecoloxistas en Acción a apertura de dilixencias previas...

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...

Cae un mozo 22 anos desde un tellado mentres contemplaba os lumes de Bouzas

Un mozo de 22 anos, con iniciais M.B.G., tivo que ser trasladado polos servizos...