InicioEconomíaCase 10.000 visitas se achegaron aos castelos de Sobroso e Soutomaior durante...

Case 10.000 visitas se achegaron aos castelos de Sobroso e Soutomaior durante o verán

A iniciativa 'Re acción nos castelos', que está en marcha desde o 23 de xullo busca difundir a música, a danza, o teatro e actividades infantís nestes espazos históricos.

PUBLICADO O

Os castelos de Sobroso e Soutomaior, ambos na provincia de Pontevedra, levan case 9.400 visitas no que vai de verán, de acordo cos datos da Deputación de Pontevedra, que os considera “eixos de atracción de visitantes”, como “espazos seguros fronte á COVID-19”.

A institución provincial destacou que este ano se puxeron en marcha iniciativas como a ‘Re acción nos castelos’ e rotas como a das viñas de Soutomaior, que se enchen cando se abren os prazos de inscrición.

En concreto, o castelo de Sobroso recibiu entre xuño e mediados de agosto 3.319 visitantes, practicamente a mesma cantidade –apenas 20 máis– que o ano pasado no mesmo período. En concreto, 1.979 persoas achegáronse ao recinto en xuño e xullo e outras 1.340 no que vai do mes de agosto.

En canto a Soutomaior, foron 6.053 os visitantes, dos que 3.495 se desprazaron en xuño e xullo e 2.558, na primeira metade de agosto.

A Deputación indicou que desde que se reabriron, a inicios de xuño, implantáronse protocolos específicos contra os contagios, con máis limpeza, difusores de produtos desinfectantes, zonas de espera concretas, itinerarios marcados para guiar as visitas e controis de temperatura e medidas de distancia social.

A iniciativa ‘Re acción nos castelos’, que está en marcha desde o 23 de xullo busca difundir a música, a danza, o teatro e actividades infantís no castelo. Todos os actos completaron o seu aforamento polo momento e quedan pendentes dúas actuacións máis, o 11 de setembro en Sobroso e o 17 do mesmo mes en Soutomaior.

ÚLTIMAS

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...

Miguel Martín asume a portavocía do grupo municipal do PP en Vigo, tras a saída de Fernández-Tapias

O grupo municipal do PP no Concello de Vigo designou a Miguel Martín como...

Máis de 30 marcas de coches reuniranse na 33ª edición do Salón do Automóbil, que arrinca o mércores

Máis de 30 marcas de coches e 15 de motocicletas reuniranse na 33ª edición...

Decretado o ingreso en prisión do home detido pola súa suposta vinculación co crime da maleta

O maxistrado do xulgado de instrución número 4 de Vigo acordou este venres o...