InicioSociedadeO Concello de Vigo abrirá desde este sábado os parques infantís, con...

O Concello de Vigo abrirá desde este sábado os parques infantís, con horario de 10 a 22 horas e vixiantes

A partir do domingo abriranse tamén, co mesmo horario, os 68 parques biosaudables e, xa o luns, as 95 pistas deportivas ao aire libre.

PUBLICADO O

- Advertisement -

O Concello de Vigo abrirá, a partir deste sábado, os 142 parques infantís da cidade, con horario de 10,00 a 22,00 horas, e cun servizo de vixiantes que “rotarán” por varios espazos para controlar o aforamento das instalacións.

Así o anunciou o alcalde, Abel Caballero, quen volveu subliñar que a apertura non se produciu antes porque a Xunta “non avisou” con antelación para telo todo preparado. Segundo explicou, a apertura dos parques infantís producirase desde o sábado desde as 10 ás 22 horas, e serán desinfectados a partir desa hora.

Por outra banda, o Concello contratou por 356.000 euros un servizo de 7 vixiantes durante 3 meses para (con apoio da Policía Local) controlar o aforamento. No caso de que este se supere, os vixiantes están facultados para pechar os parques e impedir que entren máis nenos, e non se descarta ampliar os efectivos dese servizo de vixilancia.

A partir do domingo abriranse tamén, co mesmo horario, os 68 parques biosaudables e, xa o luns, as 95 pistas deportivas ao aire libre. Así mesmo, o Concello contratou un servizo de desinfección dos aseos da praia de Samil.

O alcalde avanzou tamén a reapertura do edificio principal de Vigozoo (con uso obrigatorio de máscara, sentidos únicos de circulación para os visitantes, distancia social,…) e a continuación dos mercados: este domingo o de Bouzas e o vindeiro mércores o de Coia.

Finalmente, anunciou que, desde o martes 23 de xuño, a Praza de Compostela será espazo peonil permanente. Así, o tráfico quedará restrinxido a residentes e garaxes, e a transporte público.

ÚLTIMAS

Rueda e Caballero dan pasos para desbloquear a ETEA, as pistas de atletismo ou o túnel de Beiramar

A Xunta de Galicia e o Concello de Vigo acordaron este martes dar os pasos necesarios para desbloquear...

Anuncian folga indefinida de ambulancias en Vigo, Cangas e Moaña, e alertan dun “colapso” do servizo

Os sindicatos CIG, CC.OO., e USO anunciaron a convocatoria de folga indefinida, na tempada...

BNG esixe a Abel Caballero que faga fronte o “grave problema de vivenda” coa moción aprobada en marzo

O grupo municipal do BNG no Concello de Vigo esixiu este martes ao alcalde,...

Concentración de traballadores de Correos en Vigo para denunciar o déficit de persoal

Delegados sindicais concentráronse este martes en Vigo para denunciar o déficit de persoal en...