O neurólogo do Complexo Hospitalario Universitario de Vigo (Chuvi) Arturo Fraga iniciou un traballo co obxectivo de determinar os factores que provocan o desenvolvemento de Esclerose Lateral Amiotrófica (ELA).

Segundo trasladou a xerencia da área Sanitaria, o obxectivo desta iniciativa pasa por determinar se aspectos como os hábitos de vida, as dietas ou compoñentes similares inflúen no desenvolvemento desta patoloxía, que padecen 36 pacientes atendidos na zona olívica. Ademais, Arturo Fraga destacou que, nos últimos anos, detectouse un incremento de casos dela “sen que se coñezan os motivos desta circunstancia”.

En concreto, a esclerose lateral amiotrófica representa unha enfermidade dexenerativa muscular que se produce cando algunhas células do sistema nervioso, as motoneuronas, diminúen o seu funcionamento e morren, o que provoca unha parálise muscular progresiva.

No entanto, as funcións cerebrais non relacionadas coa actividade motora non se alteran. Así, esta patoloxía afecta, en maior medida, a persoas de entre 40 e 70 anos e, en especial, a homes de entre 60 e 69.

O equipo do que dispón o Chuvi para controlar aos pacientes ten como principais obxectivos o control dos enfermos e a consecución de tratamentos que melloren a súa calidade de vidaO ch