O pasado 27 de abril facíamos eco da noticia sobre a alerta sanitaria urxente lanzada polo NHS (Sistema de Súade Británico) na que piden aos sanitarios de atención primaria e de coidados intensivos infantís que non pasen por alto unha sintomatoloxía similar ao shock tóxico ou síndrome de Kawasaki.
As alertas saltaron depois dun aumento repentino dos cativos ingresados en coidados intensivos (UCI) con erupcións cutáneas, insuficiencia renal e problemas estomacais. Un proceso inflamatorio agudo grave que debilita os vasos sanguíneos e que normalmente afecta aos menores de 5 anos.
“Algún deles entran coa tez escura, o que suxire algún tipo de vasculite. Posiblmente por unha reacción autoinmune á resposta isquémica, onde o fluxo de sangue queda restrinxido.” “Non sabemos se é unha forma mutada do virus a que causa isto” informaba un médico pediatra en declaracións ao Telegraph.
A Asociación Española de Pediatría saía ao paso da información dos medios para pedir calma.
“Non sabemos aínda a causa, pero pode estar desencadeado por infeccións bacterianas e ten un tratamento ben establecido, independientemente do tipo de axente infeccioso que a cause.” sinalan no comunidado.
Advertían que o cadro clínico é moi infrecuente, e describíronse moi poucos casos en España e seguen insistindo que a gran maioría das ocasións a COVID-19 cursa de forma leve nos nenos.
Con todo, preguntado respecto diso este venres, o director do Centro de Coordinación de Alertas e Emerxencias Sanitarias do Ministerio de Sanidade, Fernando Simón, apuntou que: ‘Houbo recentemente unha publicación internacional con investigadores de varios países nos que España tamén achegou casos de Kawasaki potencialmente asociados a COVID-19. Xurdiu hai uns días como unha potencial sintomatoloxía asociada á enfermidade, e aos poucos vaise dilucidando a asociación’, comentou o experto.
Simón explicou que a enfermidade de Kawasaki ten ‘unha certa asociación con enfermidades infecciosas’. ‘Por tanto, podemos entender, e despois de ler as poucas publicacións que hai, que podería ser factible que a COVID-19 supuxese un incremento da enfermidade‘, indicou.
En calquera caso, puntualizou que ‘a porcentaxe de casos en nenos pequenos é moi baixo’. ‘A incidencia desta enfermidade en xeral non é moi alta. Pero si dá a sensación de que si podería haber un incremento dos casos de Kawasaki este ano‘, resumiu.
A OMS elaborou unha definición preliminar de caso e un formulario de informe de caso para esta síndrome inflamatorio multisistémico en nenos. Ademais, Tedros fixo un chamamento a todos os médicos do mundo para que traballen coas súas autoridades nacionais e a OMS para estar en alerta e comprender mellor esta enfermidade.
Pola súa banda, a epidemióloga María Van Kerkhove, responsable de Enfermidades Emerxentes e Zoonosis da OMS, tamén valorou a situación. «Non sabemos se está asociado á COVID-19 ou non. Necesitamos máis información», recoñeceu en rolda de prensa. «Puxemos en marcha unha ferramenta para solicitar datos e entender mellor como funciona esta inflamación. Estamos a recibir cada vez máis casos e necesitamos colleitar información para entender como funciona e desenvolver mellores tratamentos», engadiu.
Antonio Figueras, investigador do CSIC, apuntou este venres que hai “30 veces máis casos que antes”
