O pasado 21 de Marzo o Ministerio de Sanidade facilitou a actualización dos robots de análise de seis centros sanitarios de España para procesar test de identificación de coronavirus.
A medida chegaba despois de que a multinacional ROCHE anuciase o pasado 13 de marzo que a FDA – a axencia de medicamentos americana- autorizaba o uso de emerxencia dos robots da multinacional suiza para a detención do virus SARS-CoV-2 que causa a enfermidade do COVID-19.
Os robots compatibles con esta actualización son os modelos Cobas 6800 e 8800, de uso extendido en hospitais de todo o mundo para análise de presencia de VIH, hepatite e outras enfermidades infeciosas.
O Ministerio de Sanidade aprobou que seis unidades de Microbioloxía das comundiades de Madrid, Barcelona, Vitoria, Málaga, Valencia e Galicia (Vigo) poidesen adaptar os seus robots para realizar os test.
Esta concesión, de momento, non pode ser ampliada a outros centros, pese a que Coruña tamén conta cun modelo de robot similar. O motivo é non desabastecer as existencias mundiais dos reactivos necesarios para realizar os test, por iso Vigo será o centro de referencia para toda a comunidade galega.
Os primeiros test realizáronse con éxito a finais de marzo procesando as 232 mostras recollidas dos residentes e persoal laboral da residencia DomusVi de Barreiro que foron procesadas en tan só 3 horas.
