InicioSociedadeO Banco de Alimentos de Vigo adianta as entregas de produtos previstas...

O Banco de Alimentos de Vigo adianta as entregas de produtos previstas pola crise sanitaria

PUBLICADO O

A Fundación Provincial do Banco de Alimentos de Vigo adiantou as entregas de produtos previstas para satisfacer as necesidades dos colectivos cos que traballa ante o estado de alarma decretado pola crise sanitaria derivada da propagación do coronavirus.

Nun comunicado, esta entidade tamén indicou que abasteceu de alimentos ás Organizacións Non Gobernamentais (ONG) mediante as que colabora con familias desfavorecidas ata, polo menos, o mes de maio.

Nesta liña, lembrou que os almacéns dos que dispón en Vigo e Pontevedra permaneceron abertos durante o estado de alarma co obxectivo de atender as necesidades das 150 entidades sociais coas que traballa na provincia.

Así, na nave da cidade olívica, situada no barrio de Lavadores, os voluntarios que traballan reducíronse a sete despois de que se extremasen as medidas de seguridade e de prevención dado que a maior parte do persoal da entidade forma parte de colectivos de risco pola súa idade.

A crise sanitaria tivo lugar no momento no que levaba a cabo a terceira fase do Fondo de Axuda Europea para os Máis Desfavorecidos (FEAD). Con todo, puidéronse entregar os máis de 300.000 quilos de alimentos deste programa europeo xestionado polas entidades integradas na Federación Española de Bancos de Alimentos (FESBAL) e a Cruz Vermella.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...