Clan lanza o luns 16 de marzo Educlan. Unha iniciativa que ofrecerá ás familias españolas recursos educativos de calidade que complementen os seus produtos de entretemento durante o período de suspensión das clases presenciais, medida adoptada no sistema educativo para frear a expansión do coronavirus.

Esta iniciativa, coordinada xunto ao Ministerio de Educación e Formación Profesional a través do INTEF (Instituto Nacional de Tecnoloxías Educativas e de Formación de Profesorado), conta coa colaboración desinteresada das principais editoriais educativas do país, que cederon unha selección dos seus mellores materiais educativos. Estes recursos buscan complementar os materiais implementados polas administracións educativas. As entidades que se implicaron nesta iniciativa son EDEBE, ANAYA, SM, McGraw Hill e Smile& Learn.

Os contidos agruparanse en tres canles: EduClan 3 a 5 anos, EduClan 6 a 8 anos e EduClan 9 a 10 anos.

As familias poderán atopar vídeos sobre as principais áreas curriculares: Ciencias Naturais, Ciencias Sociais, Lingua, Lóxica e Matemáticas, Artística, Idiomas, Educación Física, Tecnoloxías ou Convivencia. Esta nova canle espera contar con máis de 200 vídeos nos próximos días

Habilitarase unha páxina de información do proxecto onde se poderá atopar información sobre as empresas participantes, listaxe de recursos, formularios para participar en Educlan e un espazo de suxerencias.

É un proxecto aberto a todas as empresas do sector no que se esperan novas incorporacións nos próximos días.