InicioSociedadeDenuncian deficiencias en pediatría e falla de persoal sanitario no centro de...

Denuncian deficiencias en pediatría e falla de persoal sanitario no centro de saúde do Rosal

A Plataforma para a Defensa da Sanidade Pública do Rosal reclama un incremento do persoal sanitario na zona

PUBLICADO O

- Advertisement -

A Plataforma para a Defensa da Sanidade Pública do Rosal (Pontevedra) reclamou que se incremente o persoal do centro de saúde da localidade e a cobertura de “todas” as vacacións e baixas dos empregados do mesmo, así como a das ausencias dos sanitarios do consultorio de Tabagón.

Así o trasladou nun comunicado o Concello, que constituíu esta plataforma a semana pasada para aglutinar a distintos sectores da localidade e denunciar as “carencias” que presenta a Atención Primaria na zona.

En concreto, a plataforma reclamou unha praza adicional para persoal médico e dous para enfermeiros, así como a recuperación da de matrona, para o centro de saúde do Rosal. Tamén demandou que se ofrezan consultas de Pediatría todos os días da semana e que se cubran todas as ausencias dese centro e o de Tabagón.

Así mesmo, incidiu na necesidade de que a xestión do transporte programado non priorice a “rendibilidade” sobre os tempos e as condicións do servizo para evitar unaa afectación á “seguridade” e a “calidade de vida” dos usuarios.

RECLAMACIÓNS

Adicionalmente, a plataforma demandou que o Punto de Atención Continuada (PAC) da Guarda conte cun dobre equipo todos os días para garantir a atención de urxencias “de modo continuado”, así como que a asistencia da ambulancia de Tomiño estea diponible 24 horas ao día. Tamén incidiu na necesidade de implantarun servizo de radioloxía no centro de saúde da Guarda e de pór en marcha liñas de transporte público que garantan a accesibilidade dos centros sanitarios.

Deste xeito, a Plataforma para a Defensa da Sanidade Pública, cuxa constitución se aprobou no pleno municipal celebrado en outubro, busca dar resposta á situación da atención sanitaria, que, segundo asegurou a alcaldesa, Ánxela Fernández, presenta unha “precarización xeneralizada” do servizo. Así, insistiu na necesidade de “pór freo aos recortes” aplicados na sanidade pública, o que, na súa opinión, “pon en perigo a vida das persoas”.

ÚLTIMAS

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...

O BNG esixe pór fin ao “descontrol” e á “barra libre” dos pisos turísticos en Vigo: “En 5 anos, pasaron de 400 a 2.400”

O BNG de Vigo esixiu ao goberno municipal e á Xunta de Galicia que poñan fin...

O embaixador de Perú rende homenaxe ás vítimas do Villa de Pitanxo no porto de Vigo

O embaixador de Perú en España, Luís Iberico Núñez, encabezou este domingo unha ofrenda...

Enfróntase a máis de 16 anos de cárcere acusado de violar e roubar a unha muller á de traballar dun hospital de Vigo

A sección quinta da Audiencia Provincial de Pontevedra, con sede en Vigo, xulgará o vindeiro...