Un voo cuxo destino era o aeroporto compostelán de Lavacolla foi desviado este luns á terminal de Vigo debido a fortes ventos.

Segundo detallaron fontes de Aena, trátase do voo 2654 de Vueling, que operaba unha conexión entre Málaga e a capital galega.

En concreto, a aterraxe estaba prevista ás 13,20 horas en Lavacolla, pero os fortes refachos de vento provocaron que, a pesar de que a aeronave se desviase a Peinador, a súa chegada se atrasase ata as 13,34 horas.

Mentres, o xoves pasado, o temporal provocou que fose un voo Madrid-Vigo de Iberia o que tivo que aterrar no aeroporto de Santiago de Compostela debido ao temporal rexistrado.