O presidente da Xunta, Alberto Núñez Feijóo, rexeitou valorar “a competencia en espectáculo” que, ao seu modo de ver, manteñen cidades como a de Vigo (coas luces) ou o polémico belén de Ourense, e defendeu que a el o que lle interesa é o impulso de “cambios estruturais nas cidades” e “mellorar a vida da xente“.
“Non me interesa o que se apaga e se acende nun determinado momento do ano, senón o que permanece”, dixo o presidente galego, antes de precisar que “as cousas que duran semanas son moito máis baratas, pero inútiles“.
“E interésanos o útil, o que queda e o que produce rendibilidade a curto, medio e, sobre todo, longo prazo. Cada un ten a súa propia opinión sobre os espectáculos“, resolveu.
