InicioSociedadeOs trens Monforte-Vigo e Ourense-Vigo entre os máis afectados pola folga de...

Os trens Monforte-Vigo e Ourense-Vigo entre os máis afectados pola folga de Renfe

CXT fala de que a incidencia da folga está sendo do 40%.

PUBLICADO O

A folga de traballadores convocada en Renfe e Adif por CXT que leva a supresión de 43 trens de media e longa distancia en Galicia, arrincou sen incidencias na madrugada deste venres, segundo sinalaron fontes do operador ferroviario.

A central cifra o seguimento da folga, convocada para denunciar a falta de persoal nos servizos ferrioviarios, no 40 por cento dos traballadores na comunidade. Os afectados polos paros en Galicia serán 34 trens de Media Distancia e nove de Longa Distancia, aínda que só en determinados tramos.

Entre os máis afectados están a longa distancia con destino a Pontevedra e Vigo, debido a que a composición do ‘Tren-hotel’ de Madrid desde Monforte a Vigo e os ‘Intercity’ de Ourense a Vigo non circularán.

O sindicato CXT, que destaca a “normalidade” coa que se iniciou a xornada, reclama cambios nas taxas de reposición para paliar a “falta de persoal” nos servizos. Neste sentido, denuncian que este mes de decembro un total de 29 trens que operan en Galicia foron substituídos por autobuses ante a ausencia de maquinistas.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...