InicioSociedadeAfúndese no porto de Aldán o narcosubmarino reflotado e complícase a investigación

Afúndese no porto de Aldán o narcosubmarino reflotado e complícase a investigación

Foi a pique na manobra, coincidindo co forte vento na zona.

PUBLICADO O

- Advertisement -

O submarino cargado con droga que foi achado a pasada fin de semana nun punto da costa galega foi remolcado esta tarde ata o porto de Aldán, onde se foi a pique na manobra coincidindo co forte vento na zona.

Ao narcosubmarino, duns vinte metros de eslora, que fora reflotado e arrastrado por un remolcador e dous pesqueiros, ao chegar a porto, nas manobras de achegamento, soltáronselle os arneses.

Como consecuencia diso, o aparello afundiuse ata unha profundidade dunha decena de metros, o que complica aínda máis a tarefa dos investigadores.

A rotura dos arneses que suxeitaban os  flotadores produciuse cando procedían a colocar o submarino sobre a rampla de acceso ao porto, aproveitando a  preamar, coa finalidade de facilitar o acceso ao interior para inspeccionar a droga.

O submarino, que segundo os investigadores contén no seu interior uns 3.000 quilogramos de cocaína de gran pureza procedente dalgún países latinoamericano, foi achado o pasado domingo medio afundido nunha zona da península do Morrazo, na costa galega, despois de que os seus tripulantes o abandonasen.

As autoridades buscan un dos tres tripulantes, supostamente de nacionalidade española, que fuxiu, mentres os outros dous, de orixe ecuatoriana, foron detidos.

Trátase do primeiro submarino cargado con droga apresado nas costas europeas supostamente tras efectuar un traxecto  transatlántico.

ÚLTIMAS

Stellantis Vigo e sindicatos acordan un ERE voluntario para un máximo de 80 traballadores e un ERTE de ata 75 xornadas

Tras varias xornadas de negociacións, a dirección da planta viguesa do grupo automobilístico Stellantis...

As redes sociais e a súa influencia na percepción da corrupción política: unha análise do caso galego

A relación entre as redes sociais e a percepción da corrupción política é un...

A Nubeira, novo centro social en Vigo para o tecido asociativo da cidade

O Centro Social A Nubeira comezará a súa actividade este sábado 15 de febreiro....

A mellor “xogada do Celta” non foi só na remontada contra o Betis

O paso dos neofascistas seareiros do Betis deron que falar ese fin de semana...