InicioSociedadeUn garda civil salva en Cangas a vida dun bebé que se...

Un garda civil salva en Cangas a vida dun bebé que se estaba asfixiando

O cativo é fillo dun compañeiro do axente.

PUBLICADO O

Un axente da Unidade de Seguridade Cidadá (USECIC) da Comandancia de Garda Civil de Pontevedra, con base en Vigo, salvou a vida ao fillo recentemente nado dun compañeiro no cuartel de Cangas, despois de que o bebé sufrise unha crise respiratoria severa.

Segundo informaron fontes do Instituto Armado, os feitos tiveron lugar onte, cando este axente da USECIC se atopaba de forma circunstancial no cuartel de Cangas realizando uns trámites. Neses momentos, escoitáronse os berros dunha muller que accedeu ás dependencias cun bebé en brazos pedindo auxilio.

Este garda decatouse de que o bebé, de apenas uns días, estaba insconsciente, sen respiración e cun aspecto cianótico alarmante. Inmediatamente realizou as manobras de reanimación e puido conseguir que o bebé respirase novamente.

Entre o xúbilo que se produciu cando se volveu escoitar o pranto do neno, o axente decatouse de que se trataba do fillo dun compañeiro, que vive nun dos pavillóns do cuartel e que estaba ausente nese momento.

A actuación “serena e decidida” deste funcionario suscitou as felicitacións e eloxios dos pais do menor, dos compañeiros da Garda Civil e tamén dos propios servizos sanitarios de emerxencias que acudiron ao lugar.

Unha dotación da USECIC escoltou a ambulancia que trasladou o bebé a un hospital de Vigo, onde permanece ingresado en observación e “recupérase satisfactoriamente”.

ÚLTIMAS

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...

Capitanía Marítima inspeccionou 723 buques en 2023 e emitiu case 2.000 certificados de navegabilidade

Capitanía Marítima de Vigo inspeccionou o pasado ano un total de 723 buques e...

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...