InicioSociedadeDetido en Vigo por agredir á súa parella, á que tapou a...

Detido en Vigo por agredir á súa parella, á que tapou a boca para que non pedise axuda, antes de pechala nun baño

PUBLICADO O

Axentes da Policía Local de Vigo detiveron un veciño da cidade, D.F.R., de 34 anos de idade, como presunto autor dun delito de violencia de xénero e outro de atentado a axentes da autoridade, despois de agredir a súa parella, á que tapou a boca para que non pedise axuda, antes de encerrala nun cuarto de baño.

Segundo informaron fontes policiais, os feitos ocorreron á primeira hora da mañá do domingo, cando unha testemuña alertou ao 092 de que acababa de ver un home agredindo a unha muller, á que tapaba a boca para que non berrase, e á que metera á forza nun local comercial.

Cando chegaron os efectivos policiais e accederon ao establecemento, atopáronse cun home espido e mollado, moi alterado, que tentaba pechar a porta dun baño, mentres alguén desde dentro berraba e trataba de abrila.

O sospeitoso, en actitude hostil, increpou os axentes, aos que tratou de impedir o paso, mentres lles cominaba a que se fosen da súa casa. O home tivo que ser reducido para ser detido

Pola súa banda, a muller rescatada relatou aos axentes que tivera unha discusión acalorada con quen é a súa parella desde hai 6 meses, e que, cando tratou de abandonar o domicilio, D.F.R. quixo impedirllo, pechándoa no baño contra a súa vontade. Así mesmo, explicou aos policías que as disputas coa súa parella se producen constamente.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...