InicioCatro millóns e medio de ameixas sementadas na praia de Rodeira

Catro millóns e medio de ameixas sementadas na praia de Rodeira

A Conselleira de Mar, Rosa Quintana afirmou que nos próximo ano repoboaranse 170.000 metros cadrados de superficie para bancos marisqueiros.

PUBLICADO O

- Advertisement -

As axudas convocadas pola Consellería do Mar, e financiadas polo Fondo Europeo Marítimo e de Pesca (FEMP), para a conservación e rexeneración de ecosistemas mariños, permitirán repoboar, nas anualidades de 2019 e 2020, case 170.000 metros cadrados de superficie para bancos marisqueiros.

Así o trasladou a conselleira Rosa Quintana, que este xoves visitou a praia de Rodeira, en Cangas onde a Asociación de Marisqueo á boia Ría de Vigo leva a cabo un proxecto de rexeneración do banco marisqueiro, que consiste en descompactar 30.000 metros cadrados de substrato e sementar 4,5 millóns de unidades de ameixa babosa.

Esta asociación é unha das beneficiarias de novos proxectos de repoboación na convocatoria de axudas deste ano, proxectos que serán desenvolvidos por oito confrarías en bancos das súas respectivas zonas, e nos que se sementarán case 20 millóns de unidades de ameixa fina e babosa.

Os traballos enmárcanse na primeira resolución da convocatoria de axudas financiadas pola FEMP, publicada recentemente no DOG e que suporá a repartición de máis de 680.000 euros. Nesa primeira resolución valoráronse os proxectos presentados ata o 1 de marzo, pero haberá unha segunda resolución coas solicitudes presentadas ata o 1 de setembro; as recibidas despois, quedarán para a seguinte convocatoria.

Ademais da Asociación de Marisqueo á boia Ría de Vigo, tamén se beneficiarán destas ‘sementeiras’ de ameixa as confrarías de Pontedeume, Camariñas, A Illa de Arousa, Cambados, Vigo, O Grove e Redondela. En total, na convocatoria de axudas de 2019, a Consellería do Mar aprobou 19 proxectos colectivos, e beneficiaranse 13 entidades, a maioría confrarías de pescadores.

Ademais da repoboación de especies autóctonas, na resolución tamén se inclúen traballos de eliminación de substrato ou achegue de áridos para favorecer a reprodución de organismos mariños.

ÚLTIMAS

O acusado de asasinar ao okupa co que convivía en Vigo: “Eu non son o autor de nada, queríao como a un irmán”

O acusado de asasinar a un okupa co que convivía en Vigo declarouse inocente...

Caballero acusa ao BNG de “atacar” Vigo por oporse á nova A-52 que é “respectuosa co medio ambiente”

O alcalde de Vigo, Abel Caballero, criticou este mércores o "ataque" á cidade do...

O home acusado de deixar sen un ollo á súa exparella en Vigo acepta 5 anos de cárcere

O home acusado dun delito de lesións con perda de órgano e sentido, Pablo...

Un exmembro do Opus Dei acepta en Vigo 5 anos de prisión tras recoñecer agresión sexual continuada a un menor

Un exmiembro dunha asociación xuvenil vinculada ao Opus Dei, acusado dun delito continuado de agresión...