Un pago procedente de S.M., suposta responsable dunha entidade bancaria -U. Bank Ltd. Europe- que a Fiscalía supón que é ficticia, e depositado na conta do xulgado, levou a suspensión dun xuízo por estafa que se fixou para este xoves na Sección Quinta da Audiencia Provincial de Pontevedra, radicada en Vigo.

En concreto, trátase da devolución dun pago de 17.882 euros -máis intereses- a J.P.R, quen transferira esta cantidade como seguro para acceder a un préstamo da entidade que non se realizou. Ademais, tampouco se lle devolveu esa cifra depositada como sinal. Dado que esta transferencia se realizou esta semana, o xuízo suspendeuse co obxectivo de verificar a orixe do ingreso.

A Fiscalía sinalou así mesmo que o Banco de España acreditou que U. Bank Ltd. Europe non existe como entidade de préstamo, polo menos en España. Pide así para o acusado 4 anos e 6 meses de prisión e unha multa de 11 meses cunha cota diaria de 10 euros por un delito continuado de estafa agravada, así como o pago dos 57.117 euros que considera que se defraudaronas tres presuntas vítimas, mais os intereses pertinentes.