InicioSociedadeInvestigan as causas dos múltiples cortes da electricidade que están a rexistrar...

Investigan as causas dos múltiples cortes da electricidade que están a rexistrar Tomiño, O Rosal e Oia

A distribuidora de electricidade do grupo Naturgy, UFD, analizará as causas dos cortes que afectan os municipios de Tomiño, O Rosal e Oia, na provincia de Pontevedra, para tratar de atopar unha solución ao problema.

PUBLICADO O

A distribuidora de electricidade do grupo Naturgy, UFD, analizará as causas dos cortes que afectan os municipios de Tomiño, O Rosal e Oia, na provincia de Pontevedra, para tratar de atopar unha solución ao problema.

O delegado na provincia de Pontevedra de UFD –antiga Unión Fenosa Distribución–, Francisco Ramos, mantivo unha reunión co xefe territorial da Consellería de Industria, Ignacio Rial, e as alcaldesas do Rosal e Oia, para abordar o tema dos “microcortes” que están a afectar ás tres localidades nas últimas semanas.

UFD deu traslado á Xunta e aos concellos afectados de que procederá a unha análise exhaustiva das liñas e centros de transformación da zona para determinar os motivos que causan estas incidencias eléctricas, que a empresa asegura que son “de curta duración”, co obxectivo de dar unha solución “canto antes”.

Os equipos de inspección de UFD están “a percorrer os case 60 quilómetros de liñas eléctricas aéreas que dan subministración a estes municipios para pescudar as causas dos microcortes, localizar e corrixir os posibles defectos” e “solucionalo o máis axiña posible”.

A eléctrica explica que as incidencias na subministración, como os “microcortes”, “son situacións imprevistas e involuntarias” e que polo seu carácter non permanente son “difíciles de localizar”.

“Hai ocasións nas que a pesar dos traballos de mantemento, investimentos e melloras que se realizan na rede, resulta inevitable que estas ocorran por causas moi diversas (aves, cascas de eucalipto, defectos de illamento, instalacións de terceiros, etc.), expón Naturgy no seu comunicado.

UFD é o maior distribuidor de electricidade de Galicia. Dá servizo a máis de 1,5 millóns de puntos de subministración en 286 municipios das catro provincias galegas, a través dunha rede de case 58.500 quilómetros de liñas de alta, media e baixa tensión.

A distribuidora eléctrica pon de relevo que investiu preto de 390 millóns de euros en Galicia, no cuadrienio 2015-2018, para reforzar a rede e mellorar a calidade de subministración.

ÚLTIMAS

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

Detido por exhibicionismo un home que se facía tocamentos e se masturbaba na praia viguesa de Samil

Axentes da Policía Local de Vigo detiveron a un home de 42 anos de idade, A.D.,...

Deteñen en Vigo a un mozo de 18 anos por unha suposta agresión sexual e intervéñenlle unha pistola simulada

Axentes da Policía Local de Vigo detiveron este domingo a un mozo de 18 anos...

Decaltado incendio na fábrica de casas de madeira 5Jotas en Candeán

Solicitouse asistencia sanitaria para unha persoa debido a unha crise de ansiedade, mentres que...