A Universidade da Coruña (UDC) admitiu a existencia de “incidencias puntuais” na tramitación das matrículas en graos que mudan o plan de estudos, mentres que a UVigo sinalou que a tramitación se está a desenvolver con normalidade, aínda que hai “casos especiais” que deben ser revisados.

Así, fontes da institución académica viguesa apuntaron que non houbo incidencias nos procesos de matrícula, aínda que hai “casos especiais” que deben ser revisados de maneira individual e manualmente polo persoal da universidade. Trátase, explicaron, duns poucos casos de estudantes que mudaron de grao (de Ciencias do Mar a Bioloxía) ou que chegan doutras universidades (dous alumnos procedentes de universidades de fóra de Galicia).