Medio centenar de veciños de Sanabria (Zamora) concentráronse este sábado en Vigo para protestar pola supresión das paradas do AVE na súa comarca, unha decisión que atribúen ao alcalde vigués, Abel Caballero. A mobilización, finalmente celebrada na Praza do Rei pola coincidencia co aceso do Nadal na Porta do Sol, reuniu decenas de persoas que denunciaron a redución de frecuencias en Sanabria para acurtar o traxecto entre Vigo e Madrid.

Os asistentes criticaron que Caballero, tras décadas na política e mesmo sendo exministro de Transportes, non lograse un tren directo Vigo-Ourense que evitase pasar por Santiago e permitise reducir tempos de viaxe sen eliminar servizos noutras localidades. Consideran que se lles retirou “un servizo fundamental”, xa que o primeiro AVE da mañá permitíalles chegar a Madrid por motivos laborais ou realizar transbordos.

Entre proclamas como “Queremos o que nos quitaron”, advertiron que non aceptarán a supresión e esixen recuperar as paradas en Sanabria.