O mozo detido na madrugada do 25 de agosto de 2024 tras haber supostamente apuñalado a outro mozo en Redondela, será xulgado deste martes na sección quinta da Audiencia Provincial, con sede en Vigo, como presunto autor dun delito de homicidio en grao de tentativa e enfróntase a 8 anos de prisión. Segundo recolle o escrito de acusación da Fiscalía, os feitos ocorreron de madrugada cando o acusado se dirixiu, en compañía duns amigos, ao Paseo da Xunqueira de Redondela. Alí atopouse coa vítima, que tamén estaba cun grupo de persoas.

Con ánimo de acabar coa súa vida “abalanzouse” sobre el e golpeouno na cara e no corpo. Ademais, asestoulle varias puñaladas no peito cun coitelo de 11 centímetros de folla. Como consecuencia, a vítima resultou con feridas graves e tivo que ser trasladada urxentemente ao Hospital. Por estes feitos, o ministerio público considera ao procesado autor dun delito de homicidio en grao de tentativa, e pide que sexa condenado a 8 anos de prisión. Tamén reclama que se lle impoña a prohibición de achegarse ou comunicarse coa vítima por un tempo de 10 anos e que o indemnice en case 10.500 euros polas lesións, as intervencións cirúrxicas polas que pasou e polas secuelas.