O Concello de Vigo iniciou este martes a montaxe dos seus grandes elementos luminosos do Nadal, instalando a caixa xigante de agasallo que estará situada de novo na Gran Vía. O alcalde, Abel Caballero, asistiu esta mañá ao momento, onde informou de que este elemento terá máis de 17 metros de altura e 9 de ancho, con 15 metros de propundidad.
Así, contará cunhas 79.000 luces LED de cores, “o que permite facer un xogo de cores con formas e combinacións para formar imaxes completamente novas“. Caballero lembrou que as luces de Nadal de Vigo contarán con máis de 11,5 millóns de luces LED en centenares de rúas e prazas.
“Haberá unha área nova de Nadal. Cada vez temos máis visitantes e por iso estenderemos os lugares. O ano pasado ampliamos ata o Paseo de Alfonso XII e foi un éxito”, indicou, asegurando que dará máis detalles proximamente.
