O Concello de Vigo imporá unha nova multa de 50.000 euros á aerolínea Ryanair por “incumprir” o contrato de promoción turística pactado co goberno local. Nun audio enviado aos medios de comunicación, o alcalde, Abel Caballero, lamentou que a compañía “incumprise” o contrato asinado, polo que se lle imporá unha sanción de 50.000 euros. Esta multa súmase á anterior de máis de 17.000 imposta no principio do ano á aerolínea. Neste caso, foi debida a que Ryanair eliminou varios voos subvencionados polo goberno local, reducindo de tres a dous os voos semanais que unían a cidade de Vigo con Londres, vulnerando así o acordo asinado co Concello.