O Diario Oficial de Galicia (DOG) publicou este venres a orde da Consellería de Educación, Ciencia, Universidades e Formación Profesional pola que se modifica a autorización do centro privado Povisa Formación Profesional, de Vigo, para impartir certos ciclos.

Todo iso despois de que a dirección do centro solicitase a supresión do ciclo formativo de grao superior de Documentación e Administración Sanitaria e do ciclo medio de Mediación Comunicativa, solicitando autorización para impartir un novo ciclo de grao medio de Coidados Auxiliares de Enfermaría.

Tras a tramitación do expediente, a Xunta decidiu modificar a autorización vixente para cumprir as solicitudes de Povisa, autorizando este novo ciclo. O DOG recolle que o ciclo será en modalidade presencial e así Povisa impartirá agora tres unidades con 30 postos escolares cada unha do ciclo de Coidados Auxiliares de Enfermaría. O centro tamén ten autorización para o ciclo superior de Anatomía Patolóxica e Citodiagnóstico, para o de Imaxe para o Diagnóstico e Medicina Nuclear e para o de Radioterapia e Dosimetría.etría.