InicioSociedadePersoal concéntrase ante o Álvaro Cunqueiro para denunciar o aumento de agresións...

Persoal concéntrase ante o Álvaro Cunqueiro para denunciar o aumento de agresións a sanitarios tras un novo caso

PUBLICADO O

- Advertisement -

Persoal do Álvaro Cunqueiro de Vigo concentrouse este luns ás portas do hospital para denunciar o aumento de agresións aos profesionais sanitarios, tras un novo caso ocorrido neste centro o pasado xoves, cando un grupo de enfermeiras foi increpado por unha familiar dun paciente e unha delas foi agredida fisicamente.

Os traballadores reuníronse no acceso do hospital con pancartas para rexeitar as agresións neste ámbito, e corearon consignas como ‘Non ás agresións, queremos prevención’, ‘Stop agresións’, ‘Seguridade nos postos de traballo’ ou ‘Xerencia dimisión’.

A presidenta da Xunta de Persoal da área sanitaria, Pilar Rodríguez, explicou que o acto deste luns, no que participou o deputado do BNG, Brais Ruanova, pretende mostrar o rexeitamento dos traballadores a unha nova “situación violenta”, neste caso a sufrida por persoal de Enfermaría na área de Dixestivo do hospital vigués.

Segundo subliñou, debe haber “tolerancia cero” cara a este tipo de comportamentos, e non se debe consentir nin a violencia física nin a verbal, moitas veces “banalizada” polos propios profesionais sanitarios. Ademais, urxiu á xerencia da área sanitaria que tome medidas preventivas de “forma urxente”, e non puntuais, á vez que lembrou que, para a prevención deste tipo de situacións, é clave que haxa cocientes suficientes de persoal e “protocolos claros”.

Pilar Rodríguez denunciou o “alarmante” incremento das agresións a traballadores da área sanitaria, e lembrou que en 2024 rexistráronse 85 denuncias por agresións físicas, sen contar outras situacións que non foron notificadas.

ÚLTIMA AGRESIÓN

A última agresión rexistrada produciuse o pasado xoves, cando persoal de Enfermaría tivo que chamar a atención a unha familiar dun paciente, por entrar a unha zona de acceso restrinxido. A muller encarouse coas traballadoras, ás que increpou e insultou, chegando a empuxar a unha delas.

Precisamente, esta enfermeira narrou, en declaracións aos medios, que a hostilidade desa persoa foi en aumento, ata que derivou na agresión. As profesionais tiveron que chamar a Seguridade e, tras acougarse a situación, esta traballadora tivo que acudir a Urxencias (agora está de baixa), antes de ir presentar denuncia polo sucedido.

En 10 anos de traxectoria profesional, explicou, foron moitas as ocasións en que ela e outros profesionais tiveron que soportar violencia verbal, pero esta foi a primeira vez en que os insultos ou ameazas deron paso a unha agresión física. “Nós estamos aquí para axudar, para coidar, pero temos que soportar ás veces moita violencia, sobre todo verbal (…), entendemos que os pacientes e familiares están nerviosos, en situación vulnerable, pero iso non é escusa”, sentenciou.

ÚLTIMAS

Piden catro anos de prisión para dous acusados de tráfico de drogas

A Fiscalía pide 4 anos de cárcere para dúas persoas acusadas de tráfico de...

Roubou un coche e levou a unha nai e os seus fillos: Fiscalía solicita penas severas en Vigo

A Fiscalía solicita 16 anos e 8 meses de prisión para un home acusado...

Derrube dunha bancada en Gondomar durante un partido provoca varios feridos

No operativo participaron os profesionais de Urxencias SaniVarias persoas resultaron feridas tras ceder un muro...

Varios feridos, entre eles un xogador, tras ceder un muro das gradas no campo de fútbol do Gondomar

Un partido de fútbol cadete entre o Gondomar CF e o Val Miñor rematou...