A veciña de Vigo de 41 anos de idade desaparecida desde o pasado domingo, Andrea Moreno Portela, foi localizada en bo estado, segundo confirmaron fontes policiais.

As mesmas fontes sinalaron que Andrea foi localizada na noite deste mércores e que ela mesmo explicou que marchou de casa voluntariamente e se atopaba “ben”. A asociación SOS Desaparecidos, que avisou da desaparición tras a presentación de denuncia en Comisaría por parte da familia, desactivou a alerta.

Andrea fora vista pola súa familia por última vez o pasado domingo e, tras denunciar a súa desaparición, activouse unha investigación por parte do grupo 2 de UDEV da Comisaría de Vigo, que informou tamén o xulgado.

Dáse a circunstancia de que a muller está amparada por unha orde de afastamento imposta a unha exparella que a infrinxiu, sendo condenado polo xulgado de Violencia sobre a Muller de Vigo.