Miles de papanoeles en moto déronse cita, un ano máis, este sábado para percorrer as rúas do centro da cidade de Vigo. Así, convocados por Moto Club Galicia, os motoristas comezaron a súa ruta, acompañados pola Policía Local e voluntarios para manter a seguridade, ás 16.00 horas desde Navia para chegar ata o centro da cidade olívica.

Esta tradicional cita contou tamén coa presenza de numerosos cidadáns que viron como os participantes se ataviaron, a eles e ás súas motos, con diferentes motivos do Nadal. Un deles, mesmo simulou un trineo tirado por un reno. Con todo, este ano, a diferenza doutros, por motivos de seguridade os participantes non puideron lanzar caramelos desde as motos, é por iso que fixeron unha Papanoelada estática en Navia desde as 10.00 horas. Alí, habilitaron diferentes espazos para que se puidese doar comida que irá destinada ao Banco de Alimentos e é un dos requisitos para participar.