InicioSociedadeUn ano e sete meses de prisión por baleirar un extintor na...

Un ano e sete meses de prisión por baleirar un extintor na Cidade da Xustiza

Como consecuencia dos feitos, activouse a alarma contra incendios e as instalacións da Cidade da Xustiza de Vigo, e obrigou a suspender ou atrasar numerosas vistas en salas de instrución, do Social e en dous xulgados dos Penal.

PUBLICADO O

- Advertisement -

O home que, en outubro de 2023, baleirou un extintor nun xulgado de Vigo e obrigou a desaloxar todas as instalacións da Cidade da Xustiza aceptou unha pena dun ano e sete meses de prisión como autor dun delito de desordes públicas e un delito leve de lesións, porque tamén atacou a outra persoa que o denunciaba. A vista de conformidade levouse a cabo este mércores no Xulgado do Penal número 1 da cidade olívica e, durante a mesma, o home recoñeceu os feitos, aceptando dita pena de cárcere e unha multa de máis de 1.200 euros (1.125 euros por desorde pública e 90 euros polo delito de lesións).

Ademais, terá que indemnizar á vítima con 50 euros. Tamén se chegou a un acordo para non entrar en prisión se non volve delinquir nos próximos anos. Segundo recollía Fiscalía no escrito de acusación, os feitos ocorreron na mañá do 5 de outubro de 2023, cando este home tiña que acudir a un xuízo por un delito leve, no que tamén estaba a persoa que o denunciaba.A vista foi suspendida e, ao saír da sala, o home colleu un extintor, retiroulle o precinto, e asperxeu na cara á persoa que o denunciaba. Como consecuencia desta acción, toda a sala, mobiliario e equipamento, quedaron cubertos dun po branco.

Ademais, activouse a alarma contra incendios e as instalacións da Cidade da Xustiza de Vigo, e obrigou a suspender ou atrasar numerosas vistas en salas de instrución, do Social e en dous xulgados dos Penal. O procesado ten un trastorno orgánico de personalidade, con trazos obsesivos e paranoides, e unha síndrome frontal. Ese día, sufriu un episodio de alteración de conduta que puido minguar de maneira grave as súas capacidades volitivas.

ÚLTIMAS

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...

Rede de Mulleres manifestarase o 25N en Vigo: “Estamos a sufrir un retroceso que non podemos permitir”

A Rede de Mulleres Veciñais contra os Malos Tratos de Vigo mobilizarase o vindeiro...

Stellantis Vigo inicia a produción en serie da nova versión das súas furgonetas compactas

Stellantis Vigo comezou a produción en serie da nova versión Smart Compact Van dos...

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...