O alcalde de Vigo, Abel Caballero, mantivo este xoves unha reunión co director xeral da Fundación SGAE, Rubén Gutiérrez, tras o que confirmou que se tratou a posibilidade de que a cidade volva acoller a gala de entrega dos Premios Max das Artes Escénicas.

Nunhas declaracións remitidas aos medios, o rexedor ha explicdo que o director da Fundación e responsable destes Premios recoñeceu que Vigo é “un lugar extraordinario para celebrar o evento de entrega dos galardóns”. “Sería un reforzo da gran mobilización cultural que se realiza na cidade”, proclamou Caballero.

A cidade olívica acolleu xa en 2003 a gala de entrega dos Premios Max. Nesa ocasión, a cerimonia celebrouse no Teatro do Centro Cultural Caixanova –agora Teatro Afundación–.