Unhas 50.000 persoas, segundo datos da Policía Local, gozaron na tarde deste venres da exhibición de desembarco anfibio levado a cabo polo Grupo de Combate Expedicionario Dédalo da Armada Española na praia viguesa de Samil.

Todo iso despois de que esta semana chegasen a Vigo o portaavións ‘Juan Carlos I’, a fragata ‘Blas de Lezo’ e o buque anfibio ‘Galicia, que atracaron no porto olívico, onde foron visitados por miles de curiosos.

En concreto, as naves da Armada chegaron ao Peirao de Transatlánticos este pasado mércores e as xornadas de portas abertas estendéronse ata a mañá deste venres.

Tras elas, a partir das 16.00 horas, realizouse en Samil unha exhibición das accións habituais que levan a cabo nun desembarco anfibio, que foi vista por unhas 50.000 persoas que se amontoaron na praia. Na mesma participaron infantes de Mariña, vehículos, embarcacións, helicópteros e avións Harrier.