InicioSociedadeAbanca e ARVI renovan a súa colaboración para unha nova edición do...

Abanca e ARVI renovan a súa colaboración para unha nova edición do ‘Vigo SeaFest’

Que se celebrará na cidade entre o 11 e o 14 de xullo

PUBLICADO O

- Advertisement -

Abanca e a Cooperativa de Armadores de Pesca do Porto de Vigo (ARVI) renovaron a súa colaboración para a celebración dunha nova edición do ‘Vigo SeaFest’, que se celebrará na cidade entre o 11 e o 14 de xullo.

O director territorial de Abanca en Vigo, Walter Álvarez, e o presidente de ARVI, Javier Touza, consolidaron este luns na sede do banco en Vigo o compromiso de ambas as entidades para impulsar outra edición dun evento que “promociona os produtos do mar, que combina gastronomía, música, deportes, talleres familiares e mesas redondas sectoriais”.

Nun comunicado destacan que esta alianza reforza o compromiso de Abanca e ARVI co sector da pesca e a economía azul, e coa valorización da proteína mariña como fonte de alimentación saudable, segura e sustentable.

Ademais, o acordo constitúe “un paso máis” no “histórico traballo conxunto” de ambas as entidades. Este marco de colaboración permite aos armadores de Vigo asociados “acceder a condicións vantaxosas e alternativas de crédito flexibles e adaptadas ás súas necesidades particulares, con especial atención ao financiamento de investimentos en eficiencia enerxética, biodiversidade e mellora do impacto climático da frota pesqueira”.

Como en edicións anteriores, ‘Vigo SeaFest 2024’, de acceso gratuíto, exaltará o consumo de peixe coa colaboración de varios chefs galegos, que ofrecerán cociña de autor e actividades de showcooking con produtos do mar doados por empresas armadoras asociadas a ARVI.

O festival celebrarase na zona dos Xardíns de Elduayen e o Náutico de Vigo onde, ademais da gastronomía, o público poderá gozar durante o catro xornadas de actuacións musicais a cargo de destacados grupos, así como de talleres familiares, actividades infantís e deportivas. En www.vigoseafest.com pode consultarse o programa completo do evento.

ÚLTIMAS

O buque vigués ‘Robin M. Lee’, ao rescate dos tripulantes do palangreiro en perigo nas Malvinas

Os 27 tripulantes do palangreiro 'Argos Georgia', que nas últimas horas solicitaba axuda a 170 millas...

Unha carpa situada nas inmediacións do centro comercial A Laxe acolle unha experiencia de realidade virtual para concienciar sobre a ciberseguridade

O Instituto Nacional de Ciberseguridade (Incibe) organiza esta semana en Vigo a exposición '#ExperienciaIncibe' de realidade...

Encontran o cadáver dun home dentro dun piso de Vigo despois da alerta dos veciños polo mal cheiro

Os servizos de emerxencia acharon o cadáver dun home nun piso de Vigo despois...

Case 1.300 empresas galegas logran algún dos 10 indicadores Ardán

Un total de 1.289 empresas galegas lograron algún dos 10 indicadores Ardán, co almacenista...