A Xunta de Goberno Local de Vigo aprobou este venres o proxecto de ‘humanización’ da rúa Pintor Lugrís, entre Álvaro Cunqueiro e López Moura, cuxas obras serán licitadas este verán, segundo avanzou o alcalde, Abel Caballero.
O proxecto, cun investimento de 1,6 millóns de euros, contempla a instalación de dúas ramplas eléctricas, ampliación de zona peonil, renovación de redes de saneamento e abastecemento, novas zonas axardinadas, e iluminación eficiente. “É unha humanización de altísimo nivel, con rampla mecánica para subir aquela costa que é imposible”, proclamou Abel Caballero.
Por outra banda, o alcalde tamén confirmou a aprobación da licitación das obras de reforma de bancada de Gol no estadio municipal de Balaídos. A obra licitarase por 25,5 millóns de euros, cofinanciados coa Deputación de Pontevedra.
