InicioSociedadeMultas de ata 200.000 euros a quen realice foxos en Praia América...

Multas de ata 200.000 euros a quen realice foxos en Praia América para as fogueiras de San Juan

O alcalde de Nigrán sinala que "poderase festexar San Juan pero sen cavar foxos que atentan contra o noso patrimonio natural".

PUBLICADO O

- Advertisement -

As persoas que acudan a Praia América, no concello pontevedrés de Nigrán, e decidan cavar un foxo para facer a tradicional fogueira de San Juan exponse a unha multa de ata 200.000 euros. Así o advertiu o goberno local nigranés nunha nota de prensa na que informa o despregamento dun dispositivo de vixilancia “sen precedentes” na noite do próximo 23 de xuño para evitar que se realicen grandes fendas no areal durante a celebración de San Juan.

Para iso, o concello e a Subdelegación do Goberno deseñaron un operativo no que participarán máis de 200 efectivos entre Policía Local, Garda Civil, Seprona, Policía autonómica, GES, Protección Civil e axentes de Tráfico, que estarán apoiados con tecnoloxía como drones. O dispositivo despregarase desde a mañá do domingo para controlar os accesos a Praia América e evitar que se trasladen á praia pas ou aparellos para realizar grandes foxos, un costume que ha ido en aumento nos últimos anos para emprazar as fogueiras e que causa gran impacto no ecosistema do areal.

As multas por desobedecer a prohibición e levar a cabo buracos oscilarán entre os 100 e os 3.000 euros en caso de ser consideradas infraccións leves, pero poderían alcanzar os 200.000 euros se son catalagodas como graves. As accións de control estarán apoiadas por tarefas informativas e de concienciación, coas que o concello nigranés queren incidir na importancia de reducir o impacto dos costumes da noite de San Juan, tanto na realización das fogueiras como na xeración de residuos e a súa recolección.

“O máis importante que todos debemos facer é informar á mocidade de que este ano será diferente en Nigrán. Poderase festexar San Juan pero sen cavar foxos que atentan contra o noso patrimonio natural. Este ano estará vixiado, controlado e multado, así que non ten sentido vir ao areal con pas porque deberán dar a volta”, sinalou o alcalde, Juan González.

ÚLTIMAS

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...

Cae un mozo 22 anos desde un tellado mentres contemplaba os lumes de Bouzas

Un mozo de 22 anos, con iniciais M.B.G., tivo que ser trasladado polos servizos...

O Concello de Vigo pide explicacións á RFEF sobre os criterios de selección das sedes do Mundial 2030

O Concello de Vigo remitiu unha carta á Real Federación Española de Fútbol (RFEF)...