Cinco persoas foron detidas este pasado mércores nas localidades pontevedresas de Vigo e do Porriño no marco dunha operación contra o menudeo de droga. En concreto, segundo fontes do Tribunal Superior de Xustiza de Galicia (TSXG) consultadas por Europa Press, catro dos arrestos producíronse na cidade olívica, mentres que o quinto foi no Porriño.

A maxistrada do Xulgado de Instrución número 1 de Vigo, que investiga o caso, autorizou á súa vez a entrada e rexistro dos domicilios dos detidos, que levou a cabo este mércores. As mesmas fontes explicaron que estas cinco persoas pasarán a disposición xudicial cando a Policía peche as dilixencias, previsiblemente este venres, día 7 de xuño.