A sección quinta da Audiencia Provincial de Pontevedra, con sede en Vigo, confirmou a condena imposta polo Xulgado de Instrución número 6 da cidade a un pai por ameazar de morte a unha nena coa que discutiu a súa filla de 13 anos nun parque. Así, os maxistrados desestimaron o recurso de apelación interposto polo home, confirmándose a resolución, que o condenou a pagar unha multa de 270 euros polos feitos.

Segundo a sentenza, todo ocorreu o 2 de xuño de 2023, cando a vítima se atopaba nun parque en compañía doutras menores. Nun momento dado, achegouse o agora condenado ao grupo e díxolle: “Voute matar” e “vou matar ao teu pai cando o vexa”, debido a que tivera problemas previamente coa súa filla, de 13 anos. Por todo iso, foi condenado por un delito leve de ameazas ao pago dunha multa de 270 euros.