A Asociación de Veciños de Teis lamentou que, tras pasar xa dous anos do incendio, o barrio continúa sen piscina municipal, criticando a “falta de capacidade de xestión” do Concello de Vigo. Nun comunicado, a organización explicou que o peche deste vaso obriga aos 1.500 usuarios das instalacións a desprazarse a outros barrios, afectando tamén as actividades extraescolares dos centros educativos.

Os veciños lembraron que en agosto de 2023, o alcalde, Abel Caballero, anunciou que comezara o proceso de reconstrución da pistica. “Nove meses despois, non se elaborou nin o proxecto de reconstrución”, reprocharon, lamentando que tampouco será este ano cando se realice a obra. A Asociación pediu que se recupere a piscina da ETEA, que foi cuberta polo goberno local en 2017, e que se inclúa a construción dun ximnasio e de pistas de pádel.