InicioSociedadeLuis Fonsi actuará en Castrelos o 23 de xullo

Luis Fonsi actuará en Castrelos o 23 de xullo

O seu éxito 'Despacito' obtivo alcance mundial, sendo a canción máis reproducida na historia de Youtube.

PUBLICADO O

- Advertisement -

O cantante portorriqueño Luis Fonsi súmase ao cartel de concertos do verán no Auditorio de Castrelos de Vigo, segundo confirmou o alcalde da cidade, Abel Caballero, que sinalou que a actuación terá lugar o 23 de xullo. O rexedor lembrou que Luís Fonsi é un artista global, “unha das principais figuras da música latina”, con 25 anos dunha estrada exitosa e recoñecementos como varios premios Latin Grammy e varios Billboard.

Ademais, ao longo da súa carreira colaborou con artistas como David Bisbal, Daddy Yankee, Juan Luis Guerra, Demi Lovato ou Nicky Jam, e o seu éxito ‘Despacito‘ obtivo alcance mundial, sendo a canción máis reproducida na historia de Youtube. Á marxe da música, tamén traballou en cinema e televisión, onde participou en series ou en programas como ‘La Voz‘, facendo as funcións de ‘coach‘.

Co de Luís Fonsi, son xa seis os concertos anunciados polo Concello para a programación de verán en Castrelos. Ao do portorriqueño súmanse as actuacións de Dani Fernández (13 de xullo), Sen Senra (25 de xullo), UB40 (7 de agosto), Víctor Manuel (14 de agosto) e Melendi (17 de agosto).

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...