O servizo de Cardioloxía do hospital Álvaro Cunqueiro de Vigo foi nomeado Centro de Excelencia a nivel mundial polo laboratorio B Braum, fabricante dun novo sistema menos invasivo para o tratamento de determinadas enfermidades coronarias.

Tal como informou a Xunta nun comunicado, este recoñecemento só posúeno dous hospitais no mundo, o primeiro deles situado en Postdam (Alemaña, país de orixe do devandito laboratorio) e agora, o Cunqueiro de Vigo.

Precisamente, para entregar esta distinción, a semana pasada desprazáronse á cidade olívica representantes da firma alemá, encabezados polo seu conselleiro delegado en España, Christoph Mueller.

En concreto, esta designación por parte da firma alemá que desenvolve esta nova técnica non só debe ao uso con éxito deste sistema en intervencións levadas a cabo no Álvaro Cunqueiro, senón pola investigación e experiencia do servizo de Cardioloxía.