InicioSociedadeO bus urbano alcanzan unha operatividade do 98 % en días laborables...

O bus urbano alcanzan unha operatividade do 98 % en días laborables tras o fin da folga, segundo Vitrasa

PUBLICADO O

- Advertisement -

O servizo de bus urbano de Vigo recupera a normalidade tras máis de 3 meses de folga indefinida e, a día de hoxe, a actividade en días laborables xa alcanza o 98 %, segundo informou a concesionaria, Vitrasa.

O pasado 11 de marzo deuse por finalizado o paro, aínda que as negociacións para un novo convenio non acabaron, e desde entón foronse repondo os servizos paulatinamente, segundo explicou a empresa, que sinalou que espera restablecer “o máis axiña posible” as rutas e horarios das 37 liñas que hai en Vigo.

Segundo informou Vitrasa, nestes momentos “só faltan por completar as liñas L18 (Areal/Colón-Sárdoma/Pouleira) e a H3 (García Barbón-Hospital Álvaro Cunqueiro) en días laborables. En sábado, o servizo está “recuperado ao 91 %” e en domingos chega ata o 90 %.

A concesionaria sinalou tamén que, actualmente, “hai 64 condutores de baixa” e estanse realizando “todos os esforzos posibles” para contratar choferes, tendo en conta a dificultade de atopar este tipo de perfil profesional no mercado laboral. A información sobre liñas e horarios pode consultarse na web www.vitrasa.es, nos perfís da compañía en redes sociais, na aplicación Vigo App e nos teléfonos de atención ao viaxeiro, 986 29 16 00 e 986 20 74 74.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...