InicioSociedadeO Banco de Alimentos de Vigo reparte menos comida que en 2022...

O Banco de Alimentos de Vigo reparte menos comida que en 2022 pola inflacción e a caída de doazóns

Foron case dous millóns de quilos de comida os que se repartiron.

PUBLICADO O

- Advertisement -

A Fundación Provincial Banco de Alimentos de Vigo repartiu máis de 1,9 millóns de quilos de comida en 2023, o que supón un 1,3% menos que un ano debido á inflación e o seu correspondente incremento do custo da cesta da compra e á caída das doazóns.

Tal como informou o organismo, a pesar desta “lixeira” baixada, púidose seguir facendo fronte ás necesidades das 153 organizacións non gobernamentais (ONG) e entidades homologadas coas que traballa.

En concreto, repartíronse 25.000 quilos de alimentos menos debido á inflación e a unha baixada xeneralizada das doazóns. “Pese ao complicado contexto económico, en 2023 destacaron pola súa importancia e esforzo a repartición de 588.506 litros de leite, 229.001 quilos de pasta/arroz, 271.858 quilos de conservas, 95.751 quilos de froita fresca e 46.336 quilos de peixe, entre outras partidas”, destacou Banco de Alimentos.

A organización reivindicou que en 2023 mantívose a loita contra o desperdicio alimentario, evitando que uns 300.000 quilos de comida acabasen sendo tirados. Na actualidade, conta con convenios de colaboración con empresas como Mercadona, El Corte Inglés, Carrefour, Alcampo, Coren ou Kentucky Fried Chicken, que doan produtos que requiren unha rápida clasificación e entrega. Non acontece iso con outras cadeas como Vegalsa-Eroski.

Os responsables de Banco de Alimentos de Vigo ven un 2024 “complicado”, xa que deixarán de percibir comida do Fondo Europeo de Axuda ás Persoas Máis Desfavorecidas (FEAD). En total, recibíronse máis de 460.000 quilos en dúas fases diferentes.

ÚLTIMAS

Abren dilixencias previas por verteduras da cidade deportiva do Celta tras denuncias ecoloxistas

O Xulgado de Instrución número 2 de Vigo notificou a Ecoloxistas en Acción a apertura de dilixencias previas...

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

As entradas para o concerto de Víctor Manuel en Castrelos saen á venda este venres

As entradas para o concerto que Víctor Manuel ofrecerá no auditorio de Castrelos de...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...