InicioSociedadeO presunto autor da morte dun mozo en Salceda en 2019 entra...

O presunto autor da morte dun mozo en Salceda en 2019 entra no xulgado entre berros de “asasino”

A irmá do falecido, Siham M., expresou a esperanza da familia de que "por fin se faga xustiza" e pediu que "se siga investigando", porque sostén que o detido é "o autor material" da morte do seu irmán, pero cre que houbo "un autor intelectual".

PUBLICADO O

O home detido o pasado 6 de xaneiro en Reino Unido como presunto autor da morte do novo marroquí Soufian M., en Salceda de Caselas en 2019, chegou este xoves aos xulgados do Porriño para comparecer ante a xuíza de instrución número un, onde foi recibido por familiares da vítima con berros de asasino.

O detido, un cidadán albanés de 30 anos de idade, chegou ao edificio xudicial pouco antes das 13.00 horas nun vehículo policial procedente de Madrid, despois de que se levou a cabo a súa extradición. Ás portas dos xulgados congregáronse unha vintena de amigos e familiares de Soufian M., con carteis e unha pancarta pedindo xustiza por este crime, e recibiron á comitiva policial con berros.

No momento en que o coche co detido accedía á parte traseira do xulgado, para entrar no garaxe, a nai da vítima saíu correndo tras o vehículo, chorando e gritando, e tivo que ser contida polos seus familiares e por axentes da Garda Civil. O incidente non tivo maiores consecuencias.

DETIDO EN REINO UNIDO

O investigado, de nacionalidade albanesa, foi arrestado no condado de Cheshirex en Reino Unido, tras unha ardua investigación por parte da Garda Civil, coordinada polo xulgado porriñés. O home foi extraditado a España e, aínda que inicialmente estaba previsto o seu paso a disposición dun xulgado de Madrid, finalmente comparece ante a xuíza do Porriño.

Os feitos polos que foi detido remóntanse á madrugada do 8 de xuño de 2019, cando este home mantivo unha discusión coa vítima, Soufian M., de 24 anos de idade e de orixe marroquí, á saída dun local de copas en Salceda de Caselas. O agora detido asestoulle varias puñaladas e fuxiu á carreira.

XUSTIZA TRAS UNHA ESPERA “MOI LONGA E MOI DURA”

A irmá do falecido, Siham M., trasladou este xoves o agradecemento da súa familia ao sistema de xustiza e, especialmente aos investigadores que, “en todo momento”, mantivéronlles ao tanto dos avances da operación e acompañáronlles “animando e tranquilizado” ao longo de catro anos e medio de “espera moi longa e moi dura”.

Siham expresou a esperanza da familia de que “por fin se faga xustiza” e pediu que “se siga investigando”, porque sostén que o detido é “o autor material” da morte do seu irmán, pero cre que houbo “un autor intelectual”. “Ao meu irmán non nolo van a devolver, pero queremos que se siga investigando”, afirmou.

A portavoz da familia constatou que o investigado foi “moi listo” porque, na súa fuxida por varios países, foi recalar a Reino Unido, “un país que non está na UE”, coa finalidade de “escabulirse” da acción da xustiza. “Pero dá igual se a espera foi longa e dura, agora temos o resultado”, aseverou.

Finalmente, confirmou que nin Soufian nin ninguén da súa contorna coñecía ao suposto autor do crime, e lembrou que o homicidio se produciu despois dun pequeno incidente, tras o derramamento involuntario dunha copa nun pub. “O meu irmán saíu a falar cuns amigos e el perseguiuno, e pasou o que pasou”, relatou, á vez que denunciou que o presunto homicida actuou con “ensañamento”, porque asestou á vítima tres coiteladas nunha zona estratéxica, como é o costado esquerdo, a última delas mortal.

ÚLTIMAS

Vigo, epicentro da fabricación das narcolanchas

As Forzas e Corpos de Seguridade do Estado aumentaron nos últimos días a presión policial...

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...