InicioSociedadeNovos ataques a catro buses de Vitrasa

Novos ataques a catro buses de Vitrasa

Elévase así a 24 o número de buses danados por este tipo de actos vandálicos desde que se iniciou a folga indefinida no servizo, o pasado 25 de novembro.

PUBLICADO O

- Advertisement -

A concesionaria do bus urbano de Vigo, Vitrasa, denunciou este venres catro novos “ataques” a vehículos da súa frota, nos que non se produciron danos persoais, xa que non había pasaxeiros a bordo, e elevou a 24 o número de buses danados por este tipo de actos vandálicos desde que se iniciou a folga indefinida no servizo, o pasado 25 de novembro. Segundo informou a empresa nun comunicado, os últimos incidentes tiveron lugar nas últimas horas.

Así, ás 21.55 horas deste xoves, un bus da liña 15A sufriu o impacto de pedra na xanela dianteira, na Avenida da Ponte. Menos dunha hora despois produciuse o segundo ataque na mesma rúa e preto do tanatorio Vigo Memorial, nun bus da liña 15C, co impacto dun obxecto nunha xanela lateral. Minutos despois, rexistrouse un impacto de pedra nun dos cristais da porta dianteira dun bus da liña 11, na zona de Grileira. Finalmente, o cuarto ataque tivo lugar ás 23,10 horas, de novo nun bus da liña 15A, ao seu paso pola rúa Figueira, e que deixou roto un cristal dunha xanela lateral. En ningún dos catro casos había viaxeiros nos autocares.

ÚLTIMAS

Unha vía de auga provocou o naufraxio dun pesqueiro da Guarda nas Azores

O palangreiro galego 'Nuevo Salmón', con base no porto da Guarda, que naufragou nas...

O BNG denuncia que o ximnasio de O Berbés carece de seguro de accidentes

O grupo municipal do BNG no Concello de Vigo esixiu explicacións ao goberno local...

Vigo únese ás mobilizacións de apoio á Flotilla Global Sumud

A cidade de Vigo sumarase este sábado ás mobilizacións de apoio á Flotilla Global...

Cancelan un voo Vigo-Barcelona obrigando a recolocar os 170 pasaxeiros

O voo Vigo-Barcelona operado por Vueling que tiña previsto saír á primeira hora da...