A administración de Lotarías e Apostas do Estado situada en Cánovas del Castillo, en Vigo, repartiu un total de 1,8 millóns de euros ao vender 30 series do 45.353, número agraciado cun dos quintos premios do Sorteo Extraordinario de Nadal.

En concreto, este establecemento expediu 300 décimos deste número, cada un deles dotado con 6.000 euros. Tamén se vendeu un décimo solto na administración de Avenida das Camelias, 110, na mesma cidade.

Ademais, vendéronse boletos en Redondela –Xeral Rubín, 26–, Cangas –Avenida Montero Ríos, 6– e A Illa de Arousa –rúa Travesía Cruceiro, 2–. Tamén na provincia de Ourense, en dous establecementos da capital –rúa do Paseo, 10, e Ervedelo, 20– e en Xinzo de Limia –Avenida de Madrid, 4–. Este número foi cantado ás 9.53 horas no 8 arame da segunda táboa.