InicioSociedadePiden nove anos de cárcere para un vigués acusado de violar a...

Piden nove anos de cárcere para un vigués acusado de violar a unha menor coa que convivía

PUBLICADO O

A Fiscalía de Pontevedra pide 9 anos de prisión para un home acusado de violar a unha menor coa que convivía na súa vivenda familiar situada na cidade de Vigo. O xuízo está fixado na sección quinta da Audiencia de Pontevedra, con sede en Vigo, para o vindeiro martes. Os feitos, segundo o escrito fiscal, ocorreron no domicilio familiar no que ambos residían no mes de xuño de 2023. O procesado atópase en situación de prisión provisional por esta causa desde o 14 de xullo de 2023.

Ademais da pena de prisión, o Ministerio Público solicita que se inhabilite ao acusado para o exercicio dos dereitos de patria potestade, tutela ou acollemento durante catro anos, e que non poida desempeñar oficios ou actividades relacionadas con menores por cinco anos unha vez que recobre a liberdade. O Fiscal tamén considera que debe impórselle unha orde de afastamento de 300 metros e prohibición de comunicarse coa vítima durante cinco anos, tras a pena de prisión, e reclama para a menor unha indemnización de 9.000 euros polos danos morais causados.

ÚLTIMAS

Vigo, epicentro da fabricación das narcolanchas

As Forzas e Corpos de Seguridade do Estado aumentaron nos últimos días a presión policial...

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...