InicioSociedadeConfirmado un caso máis no brote de lexionela da Guarda e O...

Confirmado un caso máis no brote de lexionela da Guarda e O Rosal sumando 10 persoas afectadas

Sete das persoas afectadas permanecen ingresadas no Hospital Álvaro Cunqueiro de Vigo.

PUBLICADO O

- Advertisement -

A Dirección Xeral de Saúde Pública da Consellería de Sanidade confirmou un caso máis no brote de lexionela detectado nos concellos pontevedreses da Guarda e O Rosal, polo que ascenden a 10 as persoas afectadas, das que sete permanecen ingresadas no Hospital Álvaro Cunqueiro de Vigo.

Sobre este novo caso confirmado, a Xunta sinala que non se trataría dun caso novo, xa que os síntomas apareceron “hai polo menos unha semana”.

Conforme aos protocolos de Saúde Pública, o departamento sanitario galego constituíu un equipo de investigación epidemiolóxico e ambiental do brote, tomando mostras de auga da traída das zonas onde residen as persoas afectadas, así como do domicilio de cinco delas, resultando as probas negativas.

Así mesmo, técnicos da Dirección Xeral de Saúde Pública, encabezados pola directora xeral, Carmen Durán, mantiveron unha reunión de traballo con representantes de saúde pública do Goberno de Portugal, para intercambiar información sobre os casos de legionela galegos e os detectados no norte de Portugal, concretamente na localidade de Caminha.

Polo momento, Sanidade indica que non se pode concluír cal é a fonte de exposición, lembrando que o contaxio adoita producirse por aerosois.

Destacou tamén que a Consellería mantén informados os rexedores de ambos os municipios da situación e dos resultados das medidas tomadas. Mentres, a investigación ambiental segue en curso e analízase a curva epidemiolóxica, que permitirá definir se o brote se pode dar por finalizado.

ÚLTIMAS

Interceptan un motorista que circulaba sobre unha roda tras inxerir alcol e cocaína

Un motorista de 35 anos de idade foi interceptado en Vigo despois de darse...

Varios encapuchados asaltan a casa dun nonaxenario que foi trasladado ao hospital

Varias persoas encapuchadas asaltaron en Vigo na madrugada deste martes a casa dun nonagenario,...

I Congreso Galego de Astronomía e Astrofísica en Vigo con máis de 50 científicos

Máis de 50 científicos participarán esta semana no I Congreso Galego de Astronomía e...

O PP de Vigo pide a Caballero “vontade de diálogo” para abordar os túneles de Vigo

O PP de Vigo pediu ao alcalde, Abel Caballero, "vontade sincera para o diálogo...