Tres persoas, unha delas un menor de idade, resultaron feridas nun accidente de circulación con tres vehículos implicados rexistrado na tarde noite do mércores no municipio pontevedrés de Mos.

Segundo trasladaron fontes dos servizos de emerxencias, o sinistro tivo lugar ás 19,50 horas na N-550 á altura do cruzamento das Regadas, onde dous coches chocaron e acabaron impactando contra un terceiro que estaba estacionado.

Os servizos sanitarios desprazados ao lugar atenderon a dous adultos, unha muller de 47 anos e a un home de 27 trasladados a centros hospitalarios, ademais da un menor de idade.

Ademais, foi necesaria a intervención dos bombeiros de Mos, xa que un dos ocupantes dos vehículos non estaba accesible e tivo que ser excarcerado.

Unha hora máis tarde, ao redor das 21,00, tivo lugar outro accidente de tráfico no termo municipal de Mos. Segundo a información facilitada polo CIAE 112 Galicia, produciuse na avenida de Puxeiros de Tameiga entre un coche e unha moto.