InicioSociedadeO albergue do Berbés recibe ao seu peregrino 20.000, un cidadán xaponés...

O albergue do Berbés recibe ao seu peregrino 20.000, un cidadán xaponés de 63 anos

A delegada territorial da Xunta na urbe olívica, Ana Ortiz, lamentou que Vigo sexa a única cidade das rutas xacobeas que non aceptou a instalación de sinalización oficial.

PUBLICADO O

O albergue de peregrinos ‘Juan Manuel López Chaves’, situado no Berbés, en Vigo, recibiu este xoves ao seu visitante número 20.000, un cidadán xaponés, Kazuya Miyoshio, de 63 anos de idade. A delegada territorial da Xunta, Ana Ortiz; e o director de Turismo de Galicia, Xosé Merelles, foron os encargados de facer a recepción a este simbólico peregrino, ao que entregaron algúns agasallos conmemorativos do Camiño Xacobeo.

O albergue funciona a pleno rendemento desde xullo de 2021 e, segundo sinalaron os representantes autonómicos, este ano “está a bater todas as marcas”. Respecto diso, a delegada da Xunta apuntou que, ata o mes de setembro, xa superan os de todo o ano 2022, cando o número de visitantes que chegou a este aloxamento foi de algo menos de 8.000.

“A afluencia de peregrinos, procedentes de 78 países, experimentou un aumento espectacular nos últimos meses e a nosa ruta xacobea, única cun percorrido pola costa atlántica, supera todos os rexistros este mesmo ano, converténdose na que máis crece“, explicou Ana Ortiz, en relación ao Camiño Portugués.

Na mesma liña, Xosé Merelles ratificou a aposta de Turismo de Galicia polo Camiño Portugués pola Costa e polo albergue do Berbés que, ademais de “dar visibilidade” á ruta xacobea ao seu paso por Vigo, converteuse nun “imán” de atracción. O Camiño Portugués pola Costa rexistrou no que vai de ano un total de 43.302 peregrinos (fronte aos 30.646 de todo o ano 2022), mentres que o Camiño Portugués rexistrou 74.206 (foron 93.077 en 2022).

Con todo, Ana Ortiz lamentou que Vigo sexa a única cidade das rutas xacobeas que non aceptou a instalación de sinalización oficial. “Segue sendo a única de Europa que non ten o camiño sinalizado”, explicou a delegada, que agradeceu a colaboración que, para compensar esa falta de sinalización, prestan establecementos comerciais e hostaleiros, e colectivos como os taxistas.

ÚLTIMAS

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...