O Servizo Galego de Saúde (Sergas) informou que o centro de saúde do barrio vigués de Teis non interromperá as consultas de Pediatría ao longo do mes de agosto, manténdose tanto en horario de mañá como de tarde e cumprindo así o desexo da Dirección da área Sanitaria de Vigo, que expresou en diferentes ocasións que se estaba traballando para manter as consultas activas.

Desta maneira, Sanidade desmentiu as palabras do alcalde, Abel Caballero, quen criticou a situación da sanidade en Vigo e asegurou que este centro de saúde estaría sen pediatras ata o 17 de agosto.

“Calquera tipo de afirmación sobre a ausencia das consultas de Pediatría neste centro nos próximos días carece de fundamento e, moito menos, aquelas que negaban a posibilidade de atención pediátrica, xa que, aínda que estas consultas fosen interrompidas puntualmente, ningún neno que fose ao centro sairá sen recibir atención médica”, reivindicou a Xunta nun comunicado.