InicioSociedadeBanco de Alimentos de Vigo reparte case 880.000 quilos de comida no...

Banco de Alimentos de Vigo reparte case 880.000 quilos de comida no primeiro semestre do ano, un 5% máis

PUBLICADO O

- Advertisement -

A Fundación Provincial Banco de Alimentos de Vigo entregou uns 900.000 quilos de comida durante os seis primeiros meses de 2023, axudando así a cubrir as necesidades básicas de máis de 20.000 persoas en situación de vulnerabilidade.

Esta cifra supón un incremento do 5% respecto ao mesmo período de 2022, a pesar da rebaixa “máis que substancial” do Fondo de Axuda Europea para as Persoas máis Desfavorecidas (FEAD), mediante o cal se repartiron uns 136.000 quilos, segundo a organización.

“Unha das novidades do FEAD de 2023 está a ser a ausencia de dous produtos esenciais: o leite e o aceite. Isto levounos a realizar un importante esforzo en canto á adquisición de ambos os alimentos cun resultado máis que óptimo, xa que logramos repartir 319.693 litros de leite e outros 14.844 litros de aceite no que levamos de ano”, explicou o Banco de Alimentos de Vigo.

De entre os preto de 900.000 quilos repartidos, a Fundación destacou os 53.900 quilos de froita fresca, os máis de 52.000 quilos de legumes, os 46.900 quilos de pasta, os 38.500 quilos de arroz ou os 19.500 quilos de peixe conxelado.

O Banco de Alimentos subliñou que este ano “por fin” se normalizaron as tradicionais Operacións Quilo, que a Fundación leva a cabo para recadar a comida que logo reparte. Por todo iso, agradeceu o labor dos voluntarios, que colaboran desinteresadamente coa asociación.

ÚLTIMAS

Última hora #ArgosGeorgia 14 sobreviventes, 9 falecidos e catro desaparecidos

No tráxico incidente ocorrido na mañá do 23 de xullo, o pesqueiro Argos Georgia,...

Vigo e Baiona drecretan un día de loito oficial pola morte dos dous mariñeiros locais falecidos na traxedia do Argos Georgia

O Concello de Baiona decretou un día de loito pola morte do seu veciño...

O pesqueiro vigués ‘Robin M. Lee’ mantense na procura de náufragos do ‘Argos Georgia’

O pesqueiro vigués 'Robin M. Lee' mantense na zona do naufraxio do 'Argos Georgia',...

(Crónica) Luis Fonsi queda abraiado co público de Vigo e coa “fermosa” cidade

"Que levanten a man os noivos e maridos que viñeron a este concerto obrigados...